«АБАЙ АУЫЛЫНА САЯХАТ»


Абайдың «Жидебай-Бөрілі» мемлекеттіктарихи-мәдени және әдеби-мемориалдық қорық-музейі

Бүгін Нұр-Сұлтан қаласы әкімдігі «Руханият» КММ «АБАЙ АУЫЛЫНА САЯХАТ» онлайн экскурсиясын ұйымдастырды. Шара барысында Тілдерді дамыту және архив ісі басқармасы басшысының орынбасары Сәкен Зиябекұлы онлайн саяхаттың мақсаты мен міндеттерін, маңыздылығын көпшілікке түсіндірді. Арнайы сөз кезегін алған «Жидебай-Бөрілі» мемлекеттік тарихи-мәдени және әдеби-мемориалдық қорық-музейі  директорының ғылыми жұмыстар жөніндегі орынбасары Мейрамгүл Сейтжапарқызы, мұражайдағы жаңа жәдігерлер мен тың жаңалықтарды атап өтті. ZOOM платформасына қосылған 100-ден аса көрермен,  Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейін ЗD форматта тамашалады. Музейдің ғылыми қызметкері Гүлназ Бейсембинова гид қызметін атқарып, Абай Құнанбайұлы қолданған заттарды көрсетті. Этнографиялық және архивтік материалдар жайлы толық мәлімет берді. Шара соңында көрермендер онлайн саяхаттан алған әсерлерімен бөлісіп, пікір алмасты.

Жұбан Молдағалиевтің 100 жылдығына арналған онлайн дөңгелек үстел

Нұр-Сұлтан қаласы Тілдерді дамыту және архив ісі басқармасы «Руханият» коммуналдық мемлекеттік мекемесі ақын Жұбан Молдағалиевтің 100 жылдығына арналған
«Мен – қазақпын, биікпін, байтақ елмін…» атты рухани-танымдық онлайн дөңгелек үстелін өткізді. Шараның мақсаты – ақын Жұбан Молдағалиевтің шығармашылық өмірін насихаттап,  мұраларымен танысу арқылы қазақ тілінің тарихи терең болмысын ашу. Онлайн дөңгелек үстелге ақын-жазушылар, зиялы қауым өкілдері, ғылыми-шығармашылық топ өкілдері мен жастар қатысты. Соның нәтижесінде ақын мұраларын одан әрі  жүйелі түрде дәріптеу жөнінде ұсыныстар талқыланды.
Дөңгелек үстелде  Тілдерді дамыту және архив ісі басқармасының тіл саясатын үйлестіру бөлімінің басшысы Нұрзила Қасқатаева құттықтау сөзімен ашып берді. Одан кейін белгілі ақын, Қазақстан жазушылар одағы Нұр-Сұлтан қаласы филиалының директоры Дәулеткерей Кәпұлы Жұбан жырларының қадір-қасиеті, құндылығы жөнінде тереңнен қозғады. Сонымен қатар дөңгелек үстелге М. Өтемісов атындағы БҚМУ-дың қауымдастырылған профессоры,  ф.ғ.к Рита Бекжанқызы, ф.ғ.д., Л.Н. Гумилев атындағы ЕҰУ қазақ әдебиеті кафедерасының профессоры Жанат Әскербекқызы жәнеф.ғ.д., алаштанушы, Л.Н. Гумилев атындағы ЕҰУ қазақ әдебиеті кафедерасының профессоры Сағымбай Жұмағұл Жұбан Молдағалиевтің жауһар жырлары, көркем шығармашылығы турасында өзара ой бөлісіп, жастар тарапынан қойған сауалдарға жауап берді. Рухани жиынды одан әрі Л.Н. Гумилев атындағы ЕҰУ-нің «Топжарған» және «Алқа» ұйымдарыныңшығармашыл жастары өрбітті. Ғасыр тойы тойланып жатқан ақын өлеңдерін нақышына келтіре орындап, өздерінің арнау өлеңіндерін оқыды. Қорытындысында онлайн жиында бас қосқан көпшілік бір-біріне ыстық ықыластарын білдіріп, жүрек жарды тілектерін жеткізді.

XII қалалық Тіл фестивалі аясында “Руханият” коммуналдық мемлекеттік мекемесі ұйымдастырған іс-шаралардың қорытынды бейнеролигі

XII қалалық Тіл фестивалі аясында “Руханият” коммуналдық мемлекеттік мекемесі ұйымдастырған іс-шаралардың қорытынды бейнеролигі.
#ruhaniatkz, #абай175